भूकम्पबाट घाईते महिलालाई अस्पतालमै चिकित्सकले बलात्कारको प्रयास गरे

नागरिक दैनिकको समाचार अनुसार भूकम्पमा घाइते भएर वीरगञ्जको नेसनल मेडिकल कलेज भनाए गरिएकी एक महिलासँग चिकित्सकले बलात्कार प्रयास गरेको आरोप परिवारले लगाएको छ ।
शुक्रबार दिउँसो करिब साढे १२ बजे ‘एमआरआई’ शाखाभित्र चिकित्सक भरत गोइतले बलात्कार प्रयास गरेको महिलाका पतिले बताए ।

‘मैले ७ हजार तिरेपछि श्रीमतीलाई जाँच गर्ने कोठामा लिएर गए । बाहिर थिएँ, चिच्याएको सुने । श्रीमती भित्रबाट ढोका थपथपाउँदै थिइन्, म पुग्दा डाक्टरले आधा ढोका खोलेर मलाई उता जान भने । त्यही बेला मेरी श्रीमती चिच्याउँदै अर्धनग्न अवस्थामा निस्किईन्,’ महिलाका पतिले भने ।
उनका अनुसार भूकम्प आउँदा ३ वर्षे छोरालाई बचाउँदा उनको टाउकोमा चोट लागेको छ ।