नियमित सरुवा कार्यक्रम अनुसार प्रहरी प्रधान कार्यालयले बुधबार पाँच जना एसएसपीको सरुवा गरेको हो । जसमा मुख्य मानिएको राजधानीको महानगरीय अपराध महाशाखा हनुमान ढोका हो । महाशाखा प्रमुख एसएसपी पुष्कर कार्की शान्ति सेनाको मिसनमा विदेशतिर जाने तयारीमा विदामा बसेपछि उक्त पद खाली भएको थियो । जसको जिम्मेवारी प्रहरी प्रधान कार्यालयले चर्चित एसएसपी सर्वेन्द्र खनाललाई दिइसकेको छ । तर अपराध जगतमा नेपाल प्रहरीका चर्चित एसएसपी रमेश खरेल पनि हुन् । काठमाडौं प्रमुख हुँदा समेत जिम्मेवारी सफलतापूर्वक निभाएका एसएसपी खरेललाई किन अपराध महाशाखा ल्याईएन् ? यो प्रश्न सबैको चासोको विषय बनेको छ ।
अपराधको अखडा समाप्त पार्न थालेपछि केही नेताको पावरमा उनलाई तालिम केन्द्रमा सरुवा गरियो । जुन आम जनताको चाहना विपरित थियो । तर अहिलेको सरुवामा जनताले फेरि रमेश खरेल काठमाडौं पुग्ने आशा राखेका थिए, त्यो निराशामा परिणत भइसकेको छ ।
यस विषयमा नेपाल प्रहरीका प्रवक्ता डिआईजी कमलसिंह बमलाई रमेश खरेल किन सरुवामा परेनन ? भन्ने प्रश्न सोध्दा उनले भने-‘संगठनले आवश्यकता र समय अनुसार सरुवा गर्छ, उहाँ अहिले जहाँ हुनुहुन्छ त्यहीको जिम्मेवारी पूरा गर्दैहुनुहुन्छ, त्यसैले सरुवा नै गरेन भन्न मिल्दैन ।’
उहाँले व्यक्तिको अनुभवमा पनि सरुवा बढुवाको प्रक्रिया अघि बढ्ने भनाई राख्नुभयो । प्रवक्ता बमले त्यसो भनेपनि उहाँलाई संगठनका कतिपय अफिसर तथा राजनीतिक दलका नेताले मन पराउँदैनन् ।
काठमाडौं प्रमुख हुँदा खरेलले धेरै राजनीतिक नेतृत्वसँग जोडिएका अपराधिलाई खोरमा हालेका थिए । जसका कारण उनको सरुवा तालिम केन्द्रमा भएको बताईन्छ ।
Post a Comment